ജ്യോതിഷരത്നം വേണു മഹാദേവ് ദീപങ്ങളുടെ ഉത്സവമായ ദീപാവലി ആഘോഷിക്കാൻ മാത്രമുള്ളതല്ല, വ്രതാനുഷ്ഠാനത്തിനും പ്രാർത്ഥനയ്ക്കുംകൂടിയുള്ള ദിവസമാണ്. ദീപാവലി ദിവസം വ്രതം, ജപം, ക്ഷേത്രദർശനം എന്നിവയോടെ അനുഷ്ഠിച്ചാൽ കുടുംബത്തിൽ ഐശ്വര്യം ഉണ്ടാകുമെന്നാണ് വിശ്വാസം. ശ്രീകൃഷ്ണൻ നരകാസുരനെ നിഗ്രഹിച്ച് ലോകത്തെ രക്ഷിച്ചതിന്റെ സ്മരണയ്ക്കായി ദീപാവലി ആഘോഷിക്കുന്നു എന്ന സങ്കല്പത്തിനാണ് കേരളത്തിൽ പ്രധാന്യം. പക്ഷേ ഉത്തരേന്ത്യയിൽ ദീപാവലിക്ക് മുഖ്യം ലക്ഷ്മിപൂജയാണ്. പാൽക്കടൽ കടഞ്ഞപ്പോൾ അതിൽ നിന്നു മഹാലക്ഷ്മി ഉയർന്നു വന്ന ദിവസമാണ് എന്ന സങ്കല്പത്തിന് പ്രധാന്യം …
