ഗൗരി ലക്ഷ്മി
ധനവും ഐശ്വര്യസമൃദ്ധിയും ആഗ്രഹിക്കുന്നവർ അഞ്ചുതിരിയിട്ട് നിത്യവും ഭദ്രദീപം തെളിക്കണം. നാലു ദിക്കിലേക്കും , കുബേരന്റെ വടക്ക് കിഴക്ക് ദിക്കിലേക്കും അഞ്ചു തിരിയിട്ടാണ് ദീപം കൊളുത്തേണ്ടത്. ഉറപ്പായും
ഇവരെ ലക്ഷ്മിദേവി അഷ്ടൈശ്വര്യങ്ങളും നൽകി അനുഗ്രഹിക്കും.
നിലവിളക്ക് കൊളുത്താൻ എപ്പോഴും കുറഞ്ഞത് രണ്ടു തിരിയിടണം; മൂന്ന് തിരിയിടുന്നത് ലക്ഷ്മി, ദുർഗ്ഗ, സരസ്വതി പ്രതീകമാണ്. വിളക്ക് കൊളുത്തിയ ശേഷം കൈയ്യിൽ പുരണ്ട എണ്ണ തലയിൽ തേയ്ക്കരുത്; അങ്ങനെ ചെയ്യുന്നവർക്ക് കടം ഒഴിയില്ല. എണ്ണ സ്വന്തം വസ്ത്രത്തിലും തേയ്ക്കരുത്. അതിനായി പൂജാമുറിയിൽ ഒരു തുണി കരുതുക. കുളിച്ച് ഈറൻ തോർത്തിയ തുണി തലയിൽ കെട്ടിക്കൊണ്ട് വിളക്ക് കൊളുത്തരുത്.
കിഴക്കോട്ടും പടിഞ്ഞാറോട്ടും തിരിയിട്ട് വിളക്ക് കൊളുത്തിയാൽ ആരോഗ്യം, മന:ശാന്തി തുടങ്ങിയവ
ലഭിക്കും. കടം ഒഴിയും ശത്രുക്കളുടെ മേൽ വിജയം വരിക്കുകയും ചെയ്യും. തെക്ക് ദിക്കിലേക്ക് വിളക്ക് തെളിക്കുന്നത് ദൗർഭാഗ്യകരമാണ്.
Copyright 2024 riyoceline.com/projects/Neram/. All rights reserved
